Ka lympung ialehkai Sports jong ki khynnah skul kaba la tip kum ka Chief Minister District Level Inter School Athletic Meet 2023, jong ka East Jaintia Hills District, kala sdang mynta ka sngi 02.05.2023 ha kaba u Deputy Commissioner ka East Jaintia Hills District u Abhilash Barnawal IAS, u la wan ban pynher ia ka lama jong kane ka lympung kaba la pyniaid da ka ophis jong ka District Sports Officer EJHD ryngkat ka jingiatreilang ka East Jaintia District Sports Association (EJDSA). Ia kane ka lympung la pynlong ha Teilang Playground Dkhiah bad ha kane ka lympung lawan ban iashim bynta haduh 30 tylli ki skul bapher bapher jong ka East Jaintia Hills District.
Mynta ka sngi la donlang ruh ka DSO ka EJHD kong S. M. Rapsang, ki nongkit kam ka EJDSA kumjuh ruh na ka WJDSA bad kiwei de. Kane ka lympung kan long lai sngi lynter ka ban kut ha ka 04.05.2023.
. Ha kane ka jingialehkai Sports la don ki jingiakop kiba kynthup ia ka jingmareh 100 Meters, 200 Meter, 400 Meter, 600 Meter, 800 Meter, 1500 Meter, Long Jump, High Jump, Shoot Put, Discuss throw, Javelin Throw bad Medley race. Ha kane lympung la bynta ruh ia ki khynnah ha ki lai kyrdan kita Under-14, Under-16 bad Under-18 na ka bynta ki khynnah shynrang bad kynthei.
Hashaw ban pynher ia ka lama u DC Abhilash, u la ai khublei ia ka ophis ka DSO, ia ki nongkit kam ka EJDSA kiba lah ban pyniaid ia kane ka jingialehkai sports kabala wan ban iashim bynta haduh 30 tylli ki skul kaba dei ruh u snem ba bun duh ki skul ban wan ban iashi bynta haba ianujor bad kiwei pat ki snem kiba la leit.
Na ka liang jong u, u la kitbok kitrwiang ruh ia baroh ki khynnah skul kiba la wan ban iashim bynta ha kane ka lympung.
