Kum shi bynta na ka jingrakhe ia ka jingdap 75 snem jong ka jingioh laitluid jong ka ri India na ka jingsynshar ki Phareng (Azadi Ka Amrit Mahotsav), ka ophis District Legal Services Authority (DLSA) ryngkat bad ka ophis u District Sport Officer ka West Jaintia Hills District kin pynlong da ka Cycle Rally ha kane ka 13 tarik mynta u bnai.
Kane ka Cycle Rally kan sdang naduh ka por 7:00 mynstep. Ka jaka ban sdang kan long na Kiang Nangbah Stadium bad iaid ter ter Ladthalaboh Main Road – Newhill – Iawmusiang – Mynthong – Chutwakhu – Mission Compound – Iongpiah – Dulong – Tpep-Pale bad waphai biang sha Kiang Nangbah Stadium.
Kane ka long katkum ka jingpyllait khubor na u DSO ka West Jaintia Hills ma K. Passah.