Katkum ka khubor ba la ioh na ka National Center for Seismology la iathuh ba mynta ka sngi ha ka por kumba 11:35 baje mynstep u jumai bym da khlaiñ bor eh, ba don ka jingkhlaiñ kaba 3.4 magnitude ula pynkhynñiuh ia ki bynta jong ka North Garo Hills jong ka jylla Meghalaya.
La iathuh ba une u jumai u sdang ha ka jingjylliew kaba 5 Km.
Ha kawei pat ka khubor na ka National Center for Seismology kala iathuh ba hynnin ka sngi ruh ha ka por 9:07 baje mynstep kala don ka jingkhynñiuh jumai ha ka jylla Meghalaya ha ki bynta jong ka West Garo Hills uba don ka jingkhlaiñ ba 3.1 magnitude. Ia une u jumai la iohsngew ruh ha kiwei pat ki jylla ba marjan.
Ha kine ki jingkhynñium jumai ym don satia kano kano ka jingduh jong ki mynsiembriew ne kano kano ka jingjulor jong ki jingdon jingem ong ka kyrwoh khubor.