Ki lai tylli ki sengbhalang na ri lum Jaiñtia kiba kynthup ia ka JSU, JYF bad ka EJNC ki la ia kynduh ia u DFO Jaiñtia Hills Division mynta ka sngi ha kaba iadei bad ka Compensatory Afforestation ha kaba na ka liang jong ka Meghalaya Energy Corporation Ltd ki thmu ban bujli thung dieng sha Maweit, West Khasi Hills Dist ka ba na ki liang jong ki lai Seng kim lah ban pdiang satia.
Ka Myntdu Leskha Stage 2 Project ka hap hapoh ka jingpeit jong ka Jowai Forest Division ha East bad West Jaintia Hills District. Ha kaba iadei bad kane ka project ki hap ban pom ia ki dieng ha ka jingheh kumba 11.349 Hectare bad na ka liang jong kine ki lai seng ki ban jur ia ka tnat Forest bad ia ka Meghalaya Energy Corporation Ltd ba kan bujli ia ka jingthung dieng (Compensatory Afforestation) ha ki jaka bahap hapoh ka Jaintia Hills ym sha kiwei pat kị District namar ka project ka hap hapoh ka East bad West Jaintia Hils District.