Mynta ka sngi ka ophis District Project Management Unit jong ka Meghalaya Basin Management Agency (MBMA) kala pynlong ia ka prokram jingiasyllok ba shi sngi hapoh ka Megh-LAMP ha Ladthalaboh Indoor Hall, Jowai, ha kaba u MLA ka Jowai u ma Wailadmiki Shylla u long u Kongsan.
Haba kren ha ka jingialng u ma Wailad ula pynshlur ia ka tnat sorkar ba dei peit ia kane ka prokram bad kyntu ia ki ba haba ki pynlong ia kino kino ki prokram ki dei ban don ka jingthmu ba ki project ki dei ban long kiba lah ban pynmih jingmyntoi ha ka liang ka ioh ka kot bad pyniohkam ia kiba bun.
U District Project Management Unit MBDA/MBMA), West Jaintia Hills u bah Sywell Lyngdoh ula iathuh ba ka thong jong kane ka workshop ka long ban ai jingtip bad jingshemphang ia ki nongrep khnang ba kin lah ban pynheh shuh shuh ia ka kam rep kam riang jong ki bad ba kin lah ban pynneh pynsah ia ka rukom rep bala pynjuh naduh ki por ba barim.
La ioh ruh ia ka jingkren na ki nongmihkhmat na ki 4 tylli ki IVCS kiba iathuh shaphang ka jingmyntoi kaba kila ioh haba pyntreikam ia ki skim bala ai ia ki.
Kham hashwa jong ka prokram kala don ka jingiakren phylliew jingmut halor ka phang “Inclusive supply chain and enterprise development” bad ka “Impact of Rural Finance in West Jaintia Hills District” ba la ai jingpynshai da ki riew pawkhmat kynthup ia u Dr. H.H. Mohrmen, Fr. James Syiemlieh, ma Chanky Lyngdoh bad u bah Commander Shangpliang kumjuh ki nongmihkhmat na ka Sesta.