Ha ka kyrwoh bala pyllait da u Samla Juhhi Tariang, Publicity Secretary KSU WJHDU la iathuh ba ka jingialang kaba la pynlong mynshisngi (11.05.23) bala pyniaid da ka District Administration ka kong J. kharpuri Add. DC Incharge Amlarem Sub-Division ha ka jing iadon lang ki Officer jong ki BSF, DSP bad ki Nong ialam jong ka Synjuk ki waheh shnong War Jaintia ryngkat bad ki Nongialam ka KSU WJHDU, ki shipai kila hap ban pyndem bad kubur ia kaba la wanrah ha kane ka jingialang.
Ha kane ka jingialang haba ai jingkren kine ki Nongialam ka KSU bad ki nong ialam ka synjuk ki Waheh Shnong kila pynsngew ia ka jingleh donbor bad ka jingthombor ki BSF iaki nongshong shnong haka thaiñ Border bad wat ban ktah kti ruh ia ki khynthei da ki BSF shynrang.
Kine ki nongialam kila dawa ban weng ruh mardor ia ki BSF kiba ap pahara hapoh shnong Amlarem ba kila pynjynjar sat ia ki paidbah nongleit iew leit hat bad ki la ong ruh ka jingmut BSF (BORDER SECURITY FORCE) ka dei ha ki khappud ym ha ki surok Highway kamdon jingmut hi ruh kin ieh ia u border bad kin leit ap pahara shapoh shnong la ong kine ki nongialam.
Ki officer BSF haba ai jingkren ki ong ba “Ngi buh ia ka Mobile check camp ha Amlarem hadien ba ngi lah ioh ka order na ka Ministry ngi lah ban buh kat haki jaka ba ngi mon ha baroh ki jaka ha Meghalaya”.
Hynrei ha kaba kut na ka liang ki BSF kila pyndem da kaba kular ban ym pyndik shuh ia ki paidbah ba leit ba wan shaki thaiñ border bad ba kin weng noh mardor ia ka Check Camp jong ki na Amlarem bad ki sangeh ka jingkhynrah sha ki shnong ba sah briew.
Ka seng kala ong kane ka jingai bor ia ki BSF ban buh ktem kat haba ki mon ka paw shai ba ka sorkar Bharat ka kheiñ poh bad ka iuhroit ia ka jaidbynriew jong ngi ka seng kala kyrpad iaka sorkar Jylla ba dei ban pynbeit lane pynthymmai noh ia katei ka order jong ka Ministry ki BSF.