Ka kynhun ïalehkai jong ka Mulait United FC kala lah ban pynliem da 2-1 kol ïa ka Youth Club Pdengkarong haka jingïakhun mynta ka sngi nyngkong ha ka lympung ïalehkai phutbol ka Meghalaya State League (MSL) 2023, Jowai Zone ha madan Kiang Nangbah Stadium Jowai.
Haba phai sha ka jingïakhun kala long kaba ïakhiat bha hapdeng kine ki ar kynhun kiba la ïakhun dohïap katba lah ban thep ïa ki kol bad kane kala pynhun ïa kiba nongwan peit kai mynta ka sngi.
Katba ha ka jingïakhun ka dang ïaid shakhmat na ka liang u rangïalehkai jong ka Youth Club Pdengkarong kala ïoh ban thep nyngkong ia ka kol ha ka minit ba 28 lyngba u Wanbor Langshiang, hynrei na ka liang ka Mulait United FC kala ïakhun ban pynphai kylla ïa katei ka kol bad dei ha ka minit ba 32 u Bing Chyrmang ula thep ïa ka shikol bad pynïakhaid ïa ka jingïakhun bad dei ha ka minit 52 jong ka kylla miet pat ka Mulait United FC kala ïoh biang ban thep pyntam ïa ka kol ba ar lyngba u Wantiewjune Buam.
Ka jingïakhun lashai ka sngi 16 tarik kan long hapdeng ka Rangdajied UTD FC pyrshah ïa ka Ladthadlaboh SC ha ka por 2:30 nohphai sngi.