Ka kynhun ïalehkai jong ka Rangdajied UTD FC bad ka Ladthadlaboh SC kila poi sha ka jingïakhaid mynta ka sngi da 1-1 kol, haka jingïakhun jong ka lympung ïalehkai phutbol ka Meghalaya State League (MSL) 2023, Jowai Zone ha madan Kiang Nangbah Stadium Jowai.
Haba phai sha ka jingïakhun kala long kaba ïakhaid bha hapdeng kine ki ar kynhun kila la ïakhun dohïap katba lah ban thep ïa ki kol bad kane kala pynhun ïa ki nongwan peit kai mynta ka sngi ba ar.
Ha ka jingïakhun hapdeng kine ki ar kynhun na ka liang ka Rangdajied Utd. FC kala ïoh ban pynkhih ïa ka jar ba nyngkong lyngba u Knerktilang Buam ha ka minit ba 12 jong ka kylla step. Hynrei na ka liang ka Ladthalaboh SC kala pyrshang ban pynphai kylla ïa katei ka shikol bad dei ha ka minit ba 31 jong ka kylla step hi u rangïalehkai jong ka u Ebanskem Nongtdu ula theh ïa ka kol kaba la pynlong ïa kane ka jingïakhun haduh ba kut ka kylla miet sha ka jingïakhaid.
Ka jingïakhun lashai ka sngi 17 tarik kan long hapdeng ka Rymbai Iawpynsing SC pyrshah ïa ka 7 Wasa United ha ka por 2 baje shiteng nohphai sngi.
[Photo: MSL]
