Ha ka jingrakhe ia ka jingioh jylla jong ka Sikkim ne ka Foundation Day of Sikkim, la pynlong ia ka Cultural Evening ha Raj Bhavan Shilong ha kaba u Lat jong ka Meghalaya u Phagu Chauhan u long kum u Kongsan ha ka jingdon ryngkat u Myntri Sorkar jylla u bah A.L. Hek.
Ia kane ka prokram la pyniaid da ka Indian Council for Cultural Relations (ICCR), Shillong ha ka jingiatreilang bad ka Department of Arts and Culture ka sorkar jylla.
Ha kane ka prokram la wan ban iashim bynta da ka Pooja Bareli bad ka kynhun jong ka, u Tarun Kalita bad ki jingshad tynrai jong u Khasi kynthup ia ka Shad Mastieh.
U Commissioner and Secretary to the Governor u Dr. BDR Tiwari ula pynkynmaw ia ka jingjop jong ka jylla Sikkim. Ula iathuh ruh shaphang ka histori jong ka hima Sikkim bad ka jingiaid lynti jong ka kat haduh ba kala long mynta ka jylla kaba 22 hapoh ka ri India ha ka 16th May, 1975.
Ha kane ka sngi na ka liang u Lad ka jylla ula thung ia ki tynrai diengsoh ha phyllaw jong ka Raj Bhavan kum ka dak ban kynmaw ia kane ka sngi ba kyrpang jong ka jylla Sikkim.