[Photo: MSL]
Ka jingialehkai Football phutbol jong ka Meghalaya State League (MSL) 2023, Jowai Zone kaba la pynlong ha madan Kiang Nangbah Stadium Jowai, mynta ka sngi 19.05.2023 ka jingiakhun kala long hapdeng ka Mulait UTD FC pyrshah ia ka Niaw-Wasa United FC, ha kaba ka Mulait United FC kala jop da 1-0 kol ia ka Niaw-Wasa United FC.
Haba phai sha ka jingïakhun kala long kaba ïakhait bha hapdeng kine ki ar kynhun kila la ïakhun dohïap katba lah ban thep ïa ki kol bad kane kala pynhun ïa kiba nongwan peit kai mynta ka sngi thohdieng. Ha ka jingïakhun hapdeng kine ki ar kynhun na ka liang ka Mulait UTD FC kala ïoh ban pynkhih ïa ka jar lyngba u Ker Syrti ha ka minit ba 68 jong ka kylla miet. Hynrei na ka liang ka Niaw-Wasa United FC kala pyrshang ban pynphai kylla ïa katei ka shikol hynrei kam donlad satia haduh bakut ka jingiakhun, katei ka shi kol jong u Ker ka la pynjop syndon ia ka Mulait United FC.
Ka jingïakhun lashai ka sngi 20 tarik (Sngi Saitjaint) kan long hapdeng ka Ladthalaboh SC pyrshah iaka Rymbai Iawpynsing SC ha ka por 2 baje shiteng nohphai sngi.