Ka jingialehkai phutbol jong ka Meghalaya State League (MSL) 2023, Jowai Zone kaba la pynlong ha madan Kiang Nangbah Stadium Jowai, mynta ka sngi 20.05.2023 ka jingiakhun kala long hapdeng ka Ladthalaboh SC pyrshah ia ka Rymbai Iawpynsing SC, ha kaba ka Ladthalaboh SC kala jop da 3-2 kol ia ka Rymbai Iawpynsing SC.
Haba phai sha ka jingïakhun kala long kaba ïakhait bha hapdeng kine ki ar kynhun kila la ïakhun tyngeh bha bad kane kala pynhun ïa kiba nongwan peit kai mynta ka sngi Saitjain. Ha ka jingïakhun hapdeng kine ki ar kynhun na ka liang ka Ladthalaboh SC kala ïoh ban pynkhih ïa ka jar lyngba u Teibokmi Lyngdoh ha ka minit ba 27, ka kol ba ar da u Thingwell Bareh haka minit ba 81 bad ka kol balai da u Phrangsngi Pakem ha ka minit jong ka 90+2 jong ka jingialehkai.
Katba na ka liang ka Iawpynsing SC iaki ar tylli ki kol la ioh ban thep da u Hesmiki Rymbai ha ka minit ba 2 bad 78 jong ka jingiakhun.
Ka jingïakhun ban long ha ka sngi nyngkong (Monday) 22.05.2023 kan long hapdeng ka Niaw Wasa United pyrshah iaka Youth Club Pdengkarong ha ka por 2 baje shiteng nohphai sngi.