Ka Larisa Lamin ka Topper ha ka result HSSLC jong ka Arts stream kaba la pynmih mynta ka sngi (26/05/2023) kaba pule ha Adventist Higher Secondary School (AHSS), Thadlaskeiñ haba kren sha ki lad pathai khubor kala ong ba kam poi pyrkhat ba kan poi haduh kane ka kyrdan, na ka liang jong ka, ka ai nguh ia u Blei bad kiba ha ïing kumjuh ia ki nonghikai. Ka pynpaw ba ka kwah ban long kum ka nonghikai (Lecturer) ha ki por ban wan. Kala ong ba ia mynta kan shim honours ia ka subject English.
Na ka liang ka Principal jong ka skul, ka la ong kane kadei ka sien ba nynkong jong ka skul ban poi ha ka kyrdan ba hakhlieh duh ha ka Class XII Arts, ka la ong kane ka dei ka bor jong u Blei ba ki samla pule na kane ka skul kila pass haduh 87 %.
Ka kmie jong ka Larisa ka la ong ba ka jingduwai bad ka jingtrei shitom ka khun kala wanrah ia nam bad ka burom ialade, ia ka ïing ka sem, ka skul bad ia ka jaitbynriew.
