[U Principal ka North Liberty HSS Richard B Uriah ryngkat bad ki kmie ki kpa jong ki khynnah skul ba kynthup ia u Mendelson M Langstang bad ka Rilanaika Sari]
Ka result jong ki khynnah ialeh ia ka Eksam Secondary School Living Certificate (SSLC) bad ka Higher Secondary School Living Certificate (HSSLC), ba la pynbna da ka Meghalaya Board of School Education (MBOSE), mynta ka step, ha nongbah Jowai ka North Liberty Higher Secondary School, Jowai ka la paw sha khmat ha kaba lai ngut ki samla kane ka skul ki la poi ha ka kyrdan jong ka Top-20 jong ka Eksam SSLC 2023. Katba ha ka HSSLC ym don ba ioh ia ka top 20 hynrei na kane ka skul ha ka kyrdan HSSLC ka poi haduh 98% kiba pass.
Kine ki lai ngut kiba poi ha ka kyrdan top 20 ka SSLC ki kynthup ia ka Reesa Ee Christine Suting, kaba la poi ha ka 11th position jong ka Top 20 da kaba ioh haduh 96.16 % ki marks, u Mendelson M Langstang u la poi ha ka kyrdan top 14th da kaba ioh haduh 91.66 ki marks bad ka Rilanaika Sari ha ka position ba 20th da kaba ioh haduh 90.66 ka total marks haka eksam SSLC.
[Ressa Ee Christine Suting jong ka North Liberty HSS U Dalammiki Dauni Rymbai jong ka KJPSM HSS]
Nalor kine kiwei de ki skul ha nongbah Jowai kiba la don kyrteng ha ka top 20 Position, ki kynthup ia ka QC Springside English Secondary School, ha kaba ka Sanikawan Challam ka la poi ha ka kyrdan ba 13th jong ka Top 20. Katba u Dalammiki Dauni Rymbai na ka KJP Synnod Mihngi Higher Secondary School Jowai u la ioh poi ha ka kyrdan ba 20th position jong ka Top-20.
U Principal ka North Liberty Hgher Secondary School, Jowai u ma B. Richard Uriah, u la ai khublei kyrpang ia kine ki khynnah kiba la wanrah ka burom ia ka skul bad ki pynpaw ruh ka jingsngewnguh ia ki nonghikai kumjuh ruh ia baroh ki kmie ki kpa jong ki kynnnah skul.
[Ka Sanikawan Challam ryngkat ki kmie ki kpa]
Na ka liang u Principal ka QC Springside English Secondary School Jowai, u sir Agate Chullai, u la ong ba naduh ba sdang ngi la iohi shai ba ka Sanikawan Challam kan poi beit sha khmat ha kane ka Eksam SSLC, u la ong ruh mynta snem ki khynnah jong ka skul ki la pass haduh 78% ha ka Eksam SSLC.