Ki Pulit jong ka nongbah Jowai ki leit ban kem ia u wei u nonghikai skul ha nongbah Jowai uba la tip kyrteng u Terrence Sawian na ka ïing sah jong u. Ia u tei u nonghikai la kem hadien ba la don ka jingujor ejahar (FIR) pyrshah ia u ha Women PS Jowai, da kiba ha ïing jong kawei ka khynnah rit kaba shah hikai ha utei hi u nonghikai.
Katkum ka ejahar la pynpaw ba une u nonghikai ula jrongkti khlemakor ia katei ka khynnah man la ka por bad kane kala sdang naduh u bnai Lber mynta ka snem bad bteng haduh mynta mynne.
Ia u Terrence Sawian ki Pulit jong ka Jowai PS kila kem noh bad mynta u dang don hapoh ka Judicial Custody iathuh ka khubor Pulit.