Ka Hynniewtrep National Youth Front (HNYF) West Jaintia Zone, hynne ka step jong ka 27.05.2023, kala leit ban beh krad ia ki 22 ngut ki dkhar ne ki bar jylla kiba dei ki nongtrei surok jong ka Dhar Company. Kine ki dkhar kila wan sah ha katei ka jaka hajan ka wah Myntang jong ka shnong Modop Nartiang la kumba shi taiew ei ei.
Hadien ba ki dkhot jong ka HNYF, ki la ioh ka jingujor na ki nongshong shnong ba ka jingdon bun kine ki dkhar kala pynsyier ia ki paidbah ban leit lum leit wah bad kiba leit trei sha katei ka jaka ba ki don ha rud ka Wah Myntang. Kamta ka seng ka hiar sha katei ka jaka ban jurip ruh ia ki kot ki sla jong kine ki bar hynrei la lap ba kine ki briew kim don ia ki kot kiba biang kum ka labour license, trading license bad kiwei, kumta ka seng kala phah pyllang ia ki tiar ki tar jong ki ban phah mih noh ia ki na kane ka jaka.
U President ka seng u H. W Sutong u la ong ba ka jingdon kum kine ki briew kiba wan rung sha poh ka jylla khlem da don ki kot ki sla ba biang kan buh ka jingeh ia ki trai ri trai muluk.