Ka Khasi Students’ Union (KSU) West Jaiñtia Hills District Unit haka jingïalam u samla Leningrad Tariang General Secretary, samla Conard Sana Education Secretary Jowai Circle, haka jingïadon lang ka samla Ladaplin Haiong President Girls Wing War Jaiñtia Circle ha ryngkat bad ki katto katne ki dkhot kila pynkup burom ïaka samla Larisa Lamin ba ïoh ïaka kyrdan ba ha khliehduh haka Examination bala pyllong daka MBOSE mynta u snem haka HSSLC Art Stream naka skul Northeast Adventist University.
Ha shwa ban pynkup burom ladon ka jingïalang ba lyngkot bala pynïaid da ka Principal jong ka Northeast Adventist University haba ai jingkren u Leningrad Tariang ula ong ka seng ka dap da ka jingkmen haba ïoh jing tip ba ïaka kyndan ba ha khmat duh jong ka list la ïoh rah daka Jaidbynriew Khasi. ka seng ka dap daka jing sngewsarong ïala ka jong ka Jaidbynriew ba labun tylli ki snem la ïoh ïa kane ka kyrdan daki bym dei naka Jaidbynriew Khasi hynrei katdang mih ki sngi la ïohi baka Jaidbynriew ki sdang ban kiew haka pule puthi.
La kyntu ïa ka samla Larisa haba ïoh kum kine ki kyrdan im dei ban sngew hangamei dei ban dang ïai trei shitom ula ong ruh ba ka thong jong ka jingnang jingstad hi ka dei ka jingsaiñdur ïa ka jinglong jingim babha, ula bynrap haba ngi don ka jingnang jingstad ngi dei ban don ruh ka mynsiem ban ieid ïaka Ri bad ka Jaitbynriew bad buh ïaka thong kumno ban saiñdur ïaka lawei jong Jaidbynriew Khasi jong ngi bad ban im haka jingim babha.
Une u nongïalam ula kyntu ruh ïa baroh ki samla pule jong ka District ba kin leh bha ha ki jingpule jong ki ha ki kyrdan ba Pher ba pher bad ka seng ka khmih lynti ruh ba kin dang mih shibun ki samla kiban wan sha khmat duh haki jingpule jong ki, namar kane ka jingïoh ba hakhmat duh jong i samla Larisa Lamin ha ka HSSLC Exam (Arts) ka wanrah ka burom ym tang ïa ki Kmie ki Kpa ne ïaka skul ba ka pule hynrei ka dei ka burom jong baroh kawei ka District bad ruh ïa ka Ri bad ka jaidbynriew khasi baroh kawei.
