Ka jingialehkai phutbol jong ka Meghalaya State League (MSL) 2023, Jowai Zone kaba la pynlong ha madan Kiang Nangbah Stadium Jowai, mynta ka sngi 01.0.2023 ka jingiakhun kala long hapdeng ka Mulait United FC pyrshah ia ka Rymbai Iawpynsing SC, ha kaba ka Mulait United FC kala jop da 6-1 kol ia ka Rymbai Iawpynsing SC.
Haba phai sha ka jingïakhun kala long kaba jem shilliang haduh katta katta, ha kaba ka Mulait United FC kala ïoh ban thep haduh 6 kol ia ka Rymbai Iawpynsing SC kaba ioh tang shi kol. Ki nongialehkai ka Mulait United FC kiba la ioh ban thep ia ki kol ki kynthup ia u Jas Chyrmang uba la ioh ban thep haduh 3 tylli ki kol kiba u la ioh ha ka minit ba 19, ba 49 bad ba 66, katba u Romarius Laban pat u la ioh 2 kol kiba u la thep ha ka minit kaba 63 bad 64 bad ia ka wei pat ka kol la ioh ban thep da u Lency Swer ha ka minit kaba 31. Katba ia ka shi kol jong ka Rymbai Iawpynsing SC la ioh ban thep da u Rimitre Lyngdoh ha ka minit kaba 55.
Ka jingïakhun ban long lashai ka sngi Friday, 02.06.2023, kan long hapdeng ka 7-Wasa United pyrshah ia ka Sein Pynbhalang SC ha ka por 2 baje shiteng nohphai sngi.