Ka JSU War Jaiñtia Circle ka khot bad kyntu ia ki nongshong shnong bad ki samla pule hapoh ka Amlarem Sub-Division ban wan sha ka jingshong kyllaiñ myngngor hapoh Amlarem (stand Padu) ka ban sdang naduh ka por 10 baje mynstep bad pynkut haduh 5 baje jan miet, lashai ka sngi 2 tarik u June, 2023.
Ha kane ka sngi kan don ruh ka jingialang paitbah ban pynsgewthuh bad pynshai halor ka jingdawa ban pynkylla ia ka Reservation Policy 1972 namar la dei ka por ban khmih biang ia ka, namar kumba long mynta kane ka RP ka buh jingma ia ki khun samla Khasi-Jaiñtia ha ka lad rung kam rung jam sha ki ophis sorkar.
Kumta kum ka dak jingiatylli ka JSU hapoh ka lama JCCRP ka khot ka wer ia baroh ki paid nongshong shnong ba kin wan ia shim bynta sha kane ka jingialang ban im ka ri bad jaitbynriew Hynñiewtrep Ynñiawasa pynkut ka kyrwoh na ka seng.