[Photo: MSL]
-Rung Semi ka Rangdajied na ka Jowai Zone-
Ka jingialehkai phutbol jong ka Meghalaya State League (MSL) 2023, Jowai Zone kaba la pynlong ha madan Kiang Nangbah Stadium Jowai, mynta ka sngi 03.06.2023 ka jingiakhun kala long hapdeng ka Rangdajied United FC pyrshah iaka Youth Club Pdengkarong, ha kaba ka Rangdajied United FC kala jop da 3-2 kol ia ka Youth Club Pdengkarong.
Haba phai sha ka jingïakhun kala long kaba para ia biang bor haduh katta katta na baroh ar ki kynhun. Ki nongialehkai ka Rangdajied United FC kiba la ioh ban thep ia ki kol ki kynthup ia u Balamlynti Khongji uba la ioh ban thep ar kol ha ka minit kaba 3 bad 83 jong ka jingialehkai, katba ia kawei pat ka kol la ioh ban thep da u Orsterwel Langshiang ha ka minit kaba 65. Katba na ka liang ka Youth Club Pdengkarong ia ki ar tylli ki kol la ioh ban thep da u Kindness Mukhim ha ka minit kaba 14 bad u Marshial Nongrum ha ka minit kaba 90+2 jong ia ka jingiakhun.
Kumta ka jingiakhun jong ka First Round jong ka Group B Jowai Zone ka la kut noh mynta ka sngi ha kaba na kane ka Zone ka Rangdajied United FC ka la ioh ban rung sha ka Semi Final na ka Jowai Zone, katba ia ka jingiakhun Semi ka MSL kan sa pyntip pat.
