Ka Education Cell jong ka KSU, East Jaiñtia Hills District Unit hapoh ka jingialam u samla Emmon Chyrmang, Education Secretary ba la synranlang da u President jong ka seng u samla rangbah bah Streamly N. Suchen ryngkat ka jingiadonlang u Shaniah Dkhar ba long u Finance secretary, u Cherity Suja Asst. Finance ki la leit ban pynkupburom ia ka Samla Emika S. Dkhar kaba la ioh ha ka Top 20 (Rank 17) ha ka MBOSE Examination jong ka SSLC 2023 na kaSkul Little Star Secondary Skul Ladrymbai.
Ha ka jingialang ba lyngkot ba la pyniaid da u Samla Emmon Chyrmang, ka seng ka pynpaw ba ka dap da ka jingsngewnguh haba ka iohi ia la ki paradoh parasnam ba ki la poi ha kane ka kyrdan.
Ka seng ka kyntu ia baroh ki Samla ka Bri u Hynñiewtrep ba kin nang iaitrei shitom shuh shuh ha ka pule ka puthi, khnang ban poi sha ka thong ba kham shalor ban long ka jingmyntoi ka jingkyrkhu ia ka ïing ka sem ka shnong ka thaw bad ka Jylla hi baroh kawei bad ka Nam ka burom ruh ia ka Ri bad jaidbynriew.
