Ka Society for Environment Protection and Sustainable Development (SEP&SD) kaba dei kawei naki Society kaba khmih naka bynta ban ïada ïaka mei mariang ha ryngkat ka Hynñiewtrep Integrated Territorial Organization (HITO), Khliehtyrshi Arae mynta ka sngi ka 5 tarik Jylliew 2023 kila rakhe ïa ka Sngi burom ïaka mariang lane ka ‘World Environment Day” daka pynlong ka jingïathung dieng haka shnong Khliehtyrshi West Jaiñtia Hills.
Ha kane ka Sngi la ïadon lang u Chairman ka Society for Environment Protection and Sustainable Development u bah W.N. Dkhar bad u Secretary u bah Simon Dhar ha ryngkat ki nongïalam ka HITO Khliehtyrshi u samla Lakhon Dkhar u Publicity Secretary u samla Bechious Shylla bad kiwei kiwei.
Na ka liang kine ki nongïalam jong kitei ki ar kynhun kila kyntu ïa baroh ki nongshong shnong ba ki dei ban shim ïa ka jingkitkhlieh ha ka ban ïada bad pynneh pynsah ïa ka mariang ki khlaw ki btap namar kumba long mynta ka jingpynjulor bad jingpynjot ïa ka mariang bad ka jingpom pathar ïa ki deing ki siej kala long sha ba palat ha kine ki sngi bad bun napdeng ki nongshong shnong ki nang tang ban pynjot pynjulor hynrei ban thung pat kim shym la shim ïaka jingkitkhlieh naka bynta ka lashai bad ka pateng ka ban wan la pynkut ka kyrwoh na u Publicity ka HITO West Jaiñtia Hills u samla Yomiki Passah.
