Ka HANM Jaiñtia Zone kam banse ban pynpaw ia ka jingpyrshah kaba jur iaka jingkren sarong u bah Paul Lyngdoh u wei na ki nongmih khmat paitbah uba dei naka party UDP bad kumjuh ruh u dei wei na ki nongialam barim jong ka KSU uba bat teng kum President rangbah ha ki por bala dep.
Ka jingkren sarong jong u iaki nongbylla nongniah taxi nong shongiew ka long kaba ym lah ban pdiang da lei lei ruh namar ma ki ruh ki iadon la ki khun ki kti bad ki phah skul khun naka bynta ka lawei ki khun jong ki ba kin iohkam ioh jam haki tnat sorkar bapher bapher namar ki paitbah ki ba kyrshan iaka jingdawa jong ka seng VPP ban riview iaka Reservation Policy hapoh ka kylla ki sngew ba ka don nongrim, hapoh ka jingialam u bah Ardent.
Nakata kadaw ki iamih paitbah ban ai met bad mynsien ban kyrshan bad pynsngew sha ka sorkar ia kaei ka ba donkam, kumta lada uta Paul Lyngdoh u ong ba katei ka jingiakhih u bah Ardent kadei tang ban myntoi iaka party jong u,ka seng ruh ka ong ia uta u Paul Lyndoh bad iaka party jong u ka UDP sngewbha mih sha surok bad dawa iaki jingdonkam jong u paitbah bad u paitbah hi um mih nala iing na sem ban kyrshan ia phi bad iaka party jong phi wat juh heh tang ka nia khlem ki kam.
Kane ka jingkren jot jong u bah Paul Lyngdoh iaki paitbah ba duk ba rangli ba kamai nakti ha ktien u Blei un sa ai bai nong ia u. "Mynta phi ioh ban long minister bad ban myntoi shimet jong phi phim pyrkhat shuh iaka lawei ka jaitbynriew jong ngi" pynpaw ka seng.Shuh shuh ka seng ka kwah ban iathuh iakito ki MLA Khasi wat pynbeit ia ki paitbah ha kaba iadei bad ka job reservation policy, namar la tip shai ba katei ka roaster system kaba la shna daka sorkar u Conrad sangma ka la ktah iaka iohkam ioh jam ki khun samla khynthei shynrang jong ka bri hynniewtrep namar kumba ka long mynta u Conrad Sangma un thep kam shwa da ki phew hajar ngut ki samla na thaiñ Garo bad hadien un shuh ai wei lane ar tylli iaki paitbah Khasi. Kumta naka liang jong ka seng lada ka sorkar ka thep kam bun iaki pait Garo bad pynduna iaki Khasi kam banse ban leit ujor shisyn don sha supreme court pynkut ka khubor na u President HANM Jaiñtia Zone bah Shaniahlang Suchen.