Jop ka Iooksi YW, Moodymmai, ïakhaid ka Lumsliar sliar bad ka Risingsun Lad Mukhla
Ka lympung ïalehkai phutbol ba la tip kum ka 3rd U Adelbert Laloo Memorial Trophy jong ka kyrdan 3rd Division Football Tournament 2023, bala pynïaid da ka West Jaiñtia District Sports Association (WJDSA) Jowai kaba la sdang mynta ka sngi Thohdieng ha madan Kiang Nangbah Stadium, Jowai.
Ha kane ka jingïakhun kaba nyngkong mynta ka sngi na ka liang ka kynhun Lumsliar sliar bad ka Risingsun Lad Mukhla kila poi noh sha ka jingïakhaid da mar 1-1 kol.
Haba phai sha ka jingïakhun ïa ka kol na ka Lumsliar sliar la thep da u David Dkhar ha ka minit ba 8, katba na ka liang ka kynhun Risingsun Mukhla kala lah ban pynïakhaid ïa katei ka shi kol lyngba u Yoshar O. Mukhim ha ka minit ba 24.
Ha ka jingïakhun kaba ar ka Iooksi Youth Welfare kala pynliem da 6-1 kol ïa ka Saindur Mihmyntdu. Ïa kitei ki kol naka Iooksi Youth Welfare la thep da u Pyrkhat Pasleiñ ha ka minit ba 3 & 42, u Pyrshang Tangliang ha ka minit ba 9 & 27, u Ngaitmi Syngkon ha ka minit ba 70 bad u Sunny Son Sutnga ha ka minit ba 69.
Na ka liang ka kynhun jong ka Saiñdur Mihmyntdu kala ïoh ban thep ïa ka shikol lyngba u Chibor Phawa ha ka minit ba 41.
Katba haka jingiakhun kaba lai ka Moodymmai kala lah ban pynliem da 1-0 kol ïa Mookynphad Mihmyntdu, ïa katei ka sngi kol na ka Moodymmai la thep da u Same Syngkon ha ka minit ba 61.