Ka jingïalehkai Badminton kaba la tip kum ka 20th Open to all Badminton Championship 2023, ia kaba la pynlong da ka Loompyrdi Ïongpiah Sports and Games Committee, Jowai kala poi noh sha kaba kut ha kane ka janmiet jong ka sngi saitjain 10.06.2023. Ia kane lynpung la pynlong ha Ïndoor ka Seiñ Raij Jowai kaba don ha Tpep-pale (Madan Ryngkaw), ha kaba u Officer Incharge ka Jowai Police Traffic u ma Sunday Manners u la long u kongsan, ha kane ka lympung ha ryngkat ka jingiadonlang kiwei de ki riew rangbah.
Ha kane ka Tournament haka jingiakhun final jong ka Under-16 Boys Double la iohrah ia ka da u Lechan Suchiang bad u Nihipaia Suchiang kiba la pynliem ia u Hunbait S Manners bad u Dapmon Papang da 21-12, 14-21 bad 13-21. Katba ha ka jingiakhun para marwei ha ka kyrdan Under-16 Boy Single u Aebhami Bareh u la jop pyrshah ia u Lechan Suchiang da 21-16 bad 21-11. Ha ka kyrdan 35+Men single u Ram Najiar u la jop ia u Da-u-ru Laloo da 21-12 bad 21-16. Katba ha ka 35+ Men’s Double U Rimilan Passah bad u Da-u-ru Laloo ki la pynliem ia u Damehi Kyndiah bad u Marbiangki Bareh da 21-19 bad 21-16.
Ha ka jingiakhun ha ka Women Double pat ka Ribhalang Passah bad ka Wakani Toi ki la pynliem ia ka Ibalari Siangshai bad ka Prety Mary Sumer da 21-16 bad 21-15. Ha ka jingiakhun jong ka Mixed Doubles pat ka Ribhalang Passah bad u Deilangwao Nongpluh ki jop ia ka Emilanadaka Chyrmang bad u Hrisami Passah da 21-18 bad 21-14.
Ha ka jingiakhun jong ka 55+ Men’s Doubles u Wanmi Dkhar bad u Alan Niangti ki la jop ia u Dabiat Kyndiah bad u James Monroe Pohsngap da 21-16 bad 23-21. Ha ka kyrdan Men’s Doubles Open pat u Bulangki Lakiang bad u Deilangwao Nongpluh ki la jop ia u Deymeniv Shullai bad u Peterson L. Lamare da 21-14 bad 21-16. Ha ka Men Single Open pat u Deilangwao Nongpluh u la jop ia u Ram Najiar da 21-09 bad 21-13.
U kongsan u ma S. Manners u la ai ka jingiaroh ia kane ka Sports Committee jong ka Loompyrdi Iongpiah kaba la lah ban pyniaid manla u snem ia kane ka Tournament kaba la long haduh 20 tylli ki snem jong ka jingiaid lynti, u la ong ruh ka jinglah jong kino kino ki kynhun ban pynlong ia ki kam ialehkai sport kan iarap shibun ia ki samla ban lait na ki kam ba sniew khamtam ka jingngop ha ka jingdih ia u Drugs uba kynrei bha ha kane ka West Jaiñtia District. Kumta na ka liang jong u, u la kyntu ia kiba bun balang khamtam ki shnong ki thaw ba pynlong ia ki jingialehkai bapher bapher ka ban iarap ha ki liang bapher bapher ia ki khun samla.
Ia ki khusnam ha kane ka janmiet la sam da u kongsan, kumjuh da u ma C. T Laloo Chairman jong ka Sports and Games Iongpiah, ma R. D Sungoh President Laskein Block Association, ma Alan Niangti Waheh Shnong Iongpiah, Secretary ka Loompyrdi Ïongpiah Sports and Games Committee, Jowai u ma Teddy Laloo bad kiwei de.
