Shi bynta na ka jingrakhe ia ka Azadi ka Amrit Mahotsav ne ka jingiohlaitluid kaba 75 snem jong ka ri India ka ophis District Legal Services Authority (DLSA) bad ka ophis u District Sport Officer ka West Jaintia Hills District kila pynlong ia ka Cycle Rally hynin ka sngi 13.10.21.
Ia kane ka Rally la kaweh lama da u District Sport Officer ma K. Passah kaba la sdang na Kiang Nangbah Stadium, Ladthalaboh. Ha kane ka Rally la don haduh 45 ngut ki nongniah cycle kiba la wan ban iashim bynta.
Ka jingthmu jong kane ka rally ka long ban wanrah ka jingsngewthuh shaphang ka jingshah shitom jong ki nongialeh laitluid ka ri bad ruh halor ka jingmyntoi jong ka jingñiah cycle.
