Ka lympung ïalehkai phutbol ba la tip kum ka 3rd U Adelbert Laloo Memorial Trophy jong ka kyrdan 3rd Division Football Tournament 2023, bala pynïaid da ka West Jaiñtia District Sports Association (WJDSA) Jowai kaba la pynlong ha madan Kiang Nangbah Stadium, Jowai. Ha kane ka jingïakhun kaba la long mynta ka sngi Monday 12.06.2023, la pynlong haduh lai tylli ki jingiakhun.
Ha ka jingiakhun kaba nyngkong ka long hapdeng ka Khliehshnong Ialong pyrshah ia ka Mookaswan Dongneiñ, ha kaba ka Khliehshnong Ialong ka la jop da 1-0 kol ia ka Mookaswan Dongneiñ bad ia katei ka kol la thep da u Sainhikuru Pale ha ka minit kaba 8 jong ka jingialehkai.
Ka jingialehkai kaba ar pat ka la poi sha ka jingia drawn hapdeng ka Myrjai pyshah ia ka Newhill da 0-0 kol.
Katba ka jingialeh kai kaba lai pat mynta ka sngi ka la long hapdeng ka Chyrmang Wah pyrshah ia ka Salaroh, ha kaba ha kane ka jingiakhun ka Chyrmang Wah ka la jop haduh 3-0 kol ia ka Salaroh. Ia kine ki lai kol ka Chyrmang wah la ioh ban thep da u Niwan Syad ha ka minit ba 8, ka kol ba ar da u Wanskhem Khlem ha ka minit kaba 38 bad ia ka kol kaba lai da u Lamki Dkhar ha ka minit kaba 63 jong ka jingialehkai.
Ki jingiakhun ki ban long lashai ka sngi pat kata ha ka sngi ba ar (Thuesday) 13.06.2023, ki long ka Lumbahdakha pyrshah ia ka Moodop Royal, ka jingialehkai ba ar kan long hapdeng ka Catholik Youth Mihmyntdu pyrshah ia ka Riatsaliya Mihmyntdu bad ka jingiakhun kaba lai pat kan long hapdeng ka Mookyrdup pyrshah ia ka Mupliang.