Mynta ka sngi u Prof. Sunil Babu Rao Kulkarni uba dei u Director jong ka Central Institute of Hindi, Agra ula iakynduh ia u Lat ka Jylla ha Raj Bhavan, Shillong na ka bynta ban pynsngew ha u ia ka jingdonkam ban pyniar shuh shuh ia ka jingtip ia ka ktien Hindi ha kine ki thaiñ shatei lammihngi jong ka ri India.
U Prof. Kulkarni ula wan sha kane ka nongbah na ka bynta ban leit jngoh ia ka Central Institute of Hindi kaba don ha Mawdiangdiang, Shillong.
Kum ban shuh pynkynmaw ba ia ka Shillong Centre jong ka Central Institute of Hindi la wan ban plie pyrda da u Myntri ka sorkar pdeng ba dei peit ia ka tnat Pule puthi u Dharmendra Pradhan, ha ka jingdon ryngkat u Myntri Rangbah ka Jylla u Conrad Sangma lem bad u Myntri ka tnat Pule puthi ba rim ka sorkar Jylla u ma Lahkmen Rymbui ha ka 21 tarik u Naiweing jong ka snem 2021.
