Ïakhaid ka Lumpyrtuh Mihmyntdu bad ka Royal Pole Mihmyntdu
Ka lympung ïalehkai phutbol ba la tip kum ka ‘3rd U Adelbert Laloo Memorial Trophy’ jong ka kyrdan 3rd Division Football Tournament 2023, bala pynïaid da ka West Jaiñtia District Sports Association (WJDSA) Jowai kaba la long mynta ka sngi ha madan Kiang Nangbah Stadium, Jowai.
Haba phai sha ka jingïakhun kaba nyngkong ka Luti Tuber Ialong kala lah ban pynliem da 1-0 kol ïa ka Youth Social Welfare Pynthor, ïa katei ka shikol la thep da u rangïalehkai ka Luti Tuber Ialong lyngba u Phrangki Dhar ha ka minit ba 41.
Ha ka jingïakhun kaba ar Mulang Ialong kala jop kumjuh da 1-0 kol ïa ka Madan Thadmuthlong. Ïa katei ka kol na ka Mulang Ialong la thep da u Dangaitlang Mulieh ha ka minit ba 70+1.
Katba ha ka jingïakhun kaba lai kila poi sha ka jingïakhaid da mar shi 1-1 kol hapdeng ka Lumpyrtuh Mihmyntdu pyrshah ïa ka Royal Pole Mihmyntdu. Ïa ka kol na ka Lumpyrtuh Mihmyntdu la thep da u Nikhil Dkhar ha ka minit ba 18 bad na ka Royal Pole Mihmyntdu la thep da u Hamewan Sayoo 70+2.