Ka lympung ïalehkai phutbol ‘3rd U Adelbert Laloo Memorial Trophy’ jong ka kyrdan 3rd Division Football Tournament 2023, bala pynïaid da ka West Jaiñtia District Sports Association (WJDSA) Jowai kaba la long mynta ka sngi ha madan Kiang Nangbah Stadium, Jowai.
Haba phai sha ka jingïakhun kaba nyngkong ka Nonglatem SC kala lah ban pynliem haduh 6-0 kol ïa ka Loompyrdi Iongpiah. Ïa kitei ki kol na ka Nonglatem SC la thep da u Tomi Lamare ha ka minit ba 16, u Living Suja saw ha ka minit ba 22, 52, 54 & 60, katba kawei ka kol la kum thep bakla sha ka kol la jong ha ka minit ba 30.
Ha ka jingïakhun kaba ar ka Lumbhahdakha kaba lah ban pynliem da 2-0 kol ïa ka Pammanik, ia ki kol na ka Lumbhahdakha la thep da u Sumarmiki Suting ha ka minit ba 38 bad u Pynkhreh Talang ha ka minit ba 66.
Katba ha ka jingïakhun kaba lai ka kynhun ïalehkai jong ka Nangbah Mooknor kala pynliem da 2-0 kol ïa ka Tpep-pale, ïa ki kol na ka Nangbah Mooknor la ïoh ban thep da u Poimidanial Thubru ha ka minit ba 49 bad u Soki Lamare ha ka minit ba 60.