Ka ophis u District Sports Officer (DSO) West Jaiñtia Hills District, Jowai mynta ka sngi ka la sdang ïa ka lympung ïalehkai phutbol jong ki khynnah skul kaba la tip kum ka ‘District Level Inter School Subroto Cup Football Tournament- 2023’, ïa kane ka lympung la pynïakhun ha Kiang Nangbah Stadium, Dongmihsngi Jowai.
Haba phai sha ka jingïakhun mynta ka sngi 20 tarik tang ha ka kyrdan Under-17 (Boys), ha ka jingïakhun kaba nyngkong ka Ialong Sec. School kala pynliem da 1-0 kol ïa ka Ladthadlaboh H/S School. Ka Laishnong H/S School kala pynliem da 2-1 kol ïa ka Lumpyrtuh Sec. School. Ka Nartiang Presbyterian H/S Scchool kala pynliem da 4-2 ia ka Khimusniang Presbyterian Sec. School da ka jingïashut Tie Breaker.
Ka Achiever’s Sec. School kala pynliem da 1-0 kol ïa ka J.N.V School. Katba ka Ummulong Presbyterian H/S School kala pynliem da 2-0 kol ïa ka Amwi H/S School Thangbuli.
