Ka lympung ïalehkai phutbol jong ki khynnah skul kaba la tip kum ka ‘District Level Inter School Subroto Cup Football Tournament- 2023’, bala pynïaid da ka ophis u District Sports Officer (DSO) West Jaiñtia Hills District, Jowai kaba la long mynta ka sngi ha Kiang Nangbah Stadium, Dongmihsngi Jowai.
Ha kane ka sngi kila don haduh san (5) tylli ki skul kiba la jop ha ka kyrdan Under-17 (Boys), Haba phai sha ka jingïakhun kaba nyngkong ka Jowai District Presbyterian Sec. School Ialong kala pynliem da 7-6 kol ïa ka Muthlong Pioneer Sec. School da ka jingïashut Tie Breaker. Ka R.C Eve Sec. School kala pynliem da 2-0 kol ïa ka Seiñ Raij H/S School. Ka Mang Hai Ryum Sec. School kala pynliem da 2-0 kol ïa ka Police Public Sec. School. Ka Marian Hills H/S Scchool kala pynliem da 1-0 kol ïa ka Jaiñtia H/S School. Ka Jowai Presbyterian H/S School kala pynliem da 4-1 kol ïa ka Trangblang Govt U/P & RMSA.
Katba ha kawei pat ka jingïakhun jong ka kyrdan Under-14 ka Jowai Govt. U/P & RMSA School kala pynliem da ka jingïashut Tie Breaker da 3-2 kol ïa ka Police Public Sec. School.
