Ka KSU East Jaiñtia Hills District Unit ka pynpaw ia ka jingkmen bad sngewsarong haduh katta ba i Kong Reliance Phyrngap i lah shah ithuh bad shah pynkup da ka Florence Nightingale Award.
Kane ka khusnam kadei ka khusnam na bynta ki Nurse bad ka dei ka khusnam kaba kongsan bad kaba heh duh kaba ki Nurse ki lah ban ioh bad la ai ia kane na kti jong ka Khlieh duh ka Ri ka President Dropaudi Murmu.
Kane ka jingioh jong i Kong Reliance Phyrngap ia kane ka khusnam kan dei ka nuksa ba bha iaki para Nurse bad kumjuh ruh ia ki samla bad ia baroh kawei ka jaitbynriew ba kumno ban shakri kham bha ia ka jaitbynriew ha kano kano ka bynta, watla ngi dei tang u ba rit eh hynrei ki kam kiba bha ki sawa jam bad ki paw.
Kumta na ka liang jong ka KSU East Jaiñtia District Unit ka ai khublei shibun eh ia i Kong Reliance Phyrngap ia ka nuksa ba i la ai ia ka pateng ban wan.