Ka seng Hynñiewtrep National Youth Movement (HNYM) West Jaiñtia Hills District mynta ka sngi ka (23/06/2023) hapoh ka jingialam u President ka seng u Pynhun Shulet ha ka jingiadon lang u Waheh Shnong ka Ialong u bah T. Ram Phawa bad ki dkhot jong ka seng, ki la leit ia kynduh ia ka Medical Supritendent (MS) jong ka Jowai Civil Hospital Ialong bad kane ka jingleit iakynduh ka seng iaka Medical Superintendent ka dei hadien ba ka seng ka la ioh jing ujor na kiba bun ki paidbah ha ka ba iadei bad ka jingkren tohmet jong ki staff jong katei ka Hospital bad bun ki jingduna hapoh katei ka Hospital.
Na ka liang ka seng ryngkat u Waheh Shnong ki la dawa na ka MS jong katei ka Hospital ba ka dei ban shna noh da ka side drain ha ba iadei bad ka general waste jong ka tei ka Hospital namar ba ki jakhlia ba mih na katei ka general waste ka la iaid lyngba u surok na jan katei ka Hospital. Ka seng ka ong ba ka jingtuid ki um ba mih na ka jakhlia ba wan na ka tei ka Hospital ka lah ban wanrah shibun ki jingpang ia ki paidbah. Ka seng ka la kyrpad ruh ia ka MS ba kin plie noh ia ka gate ba nadien jong ka Hospital ban rung bad mih khnang ban lait ka jingkhapngiah na ka jaka rung sha katei ka Hospital, bad ka seng ka la dawa ruh ia ka M.S ba kin pyntrei kam noh shi syndon ia ka Police Booth hapoh ka tei ka Hospital bad na ka liang ka M.S ka la ong ba ia ka Police Booth la dep ban shna sah sa tang naka liang jong ka Police Department ban phah briew noh hapoh ka tei ka Police Booth.Ka seng ka kyntu ruh ia ka M.S ba ka dei ban kyntu ia la ki staff ba kin long ki ba jai jai ha ka ktien ka thylliej.
Na ka liang jong u Waheh Shnong ruh u la kyntu ia ka MS jong ka Jowai Civil Hospital Ialong ba kin nym bret pathar ia ki ñiut ha kylleng ki jaka ba marjan jong ka Hospital bad u la kyntu ia ki staff jong katei ka Hospital ba kin long ki ba jai jai ha ba kren ia ki nong pang bad u la ong ba ha ka jingshisha ka long ka jingkyrkhu ia ki paidbah jong ka thaiñ ba ki la don 2 tylli ki hospital hapoh ka District ka MCH bad JCH hynrei ka jingdkoh treikam ka Hospital ka long pynban ka jingtim ia ka Hospital bad na ka liang jong u, u la ong ba lada ka Hospital kam lah ban trei kam tikna na ka liang u Waheh Shnong bad ka Seng kan leit khang Tala noh shwa ia kane ka Hospital.
Naka liang ka seng ka pyntip ba shen kan sa leit ia kynduh ia u Health Engineer Wing jong ka sorkar jylla ba u hap ban pyndep ia ki jingtrei ba dang sahteng hapoh ka District hi baroh kawei.
