Iap 8 ngut naba twa khyndew ba lynshop u lapbah ha Kerala :
Kumba 8 ngut ki mynsiem briew kila duh ei ia la ka jingim na ka jingtwa khyndew ka ba la jia na ka daw jong ka jinghap jur u slap ha Idukki bad ha Kottayam District jong ka jylla Kerala hynnin ka sngi. Kala don ka jingsuba jur ba ki dang don sa kumba 12 ngut kiwei pat briew kiba ym pat lah ban lap dien kiba la suba ba kila shah tep im ha ka khyndew bad ki lah ban shah rong ha ka um saw.
Na ka liang ki bor pyniaid District ryngkat ki bor shipai kynthup ia ka kynhun National Disaster Response Force kila phah kynriah noh ia ki katto katne ki nongshong shnong sha ki jaka ba kham shngaiñ. Ha ka juh ka por ki bor Sorkar ki la khang ruh ia ki riew ngut Hindu kiba thmu ban leit mane blei ha Sabarimala Temple mynta ka sngi bad kumjuh haduh lashai.
Ki bor shipai bad ki kynhun ai jingiarap ki dang trei shitom haduh mynta ban ai jingiarap ia ki lanot kiba la ngop ha kane ka apot.
Ka sorkar Kerala kala iathuh ba ki College kiba la thmu ban plie noh lashai ka sngi (18.10.21) la hap ban pynkynriah tarik noh sha ka 20.10.2021 na ka bynta ka jingshngaiñ.
