Ka lympung ïalehkai phutbol jong ki khynnah skul kaba la tip kum ka ‘District Level Inter School Subroto Mukherjee Cup Football Tournament- 2023’, bala pynïaid da ka ophis u District Sports Officer (DSO) West Jaiñtia Hills District, Jowai kaba la long mynta ka sngi saitjaiñ ha Kiang Nangbah Stadium, Dongmihsngi Jowai.
Ha ka jingïakhun mynta ka sngi ha ka kyrdan Under-14 (Boys), ki don san tylli ha ka jingïakhun kaba nyngkong ka All Saints Diocesan Sec. School kala lah ban pynliem da 2-0 kol ïa ka Khimusniang Presbyterian Sec. School. Ka Riwar Jaiñtia C.O.G Sec. School kala pynliem da 4-3 kol ïa ka Seiñraij H/S School da ka jingïashut Tie Breaker. Ka Laishnong H/S School, Nongbareh kala pynliem da 8-0 kol ïa ka Ladthadlaboh Sec. School. Ka Ummulong Presbyterian H/S School kala pynliem da 6-0 kol ïa ka Jaiñtia H.S School, katba ka Lumpyrtuh Sec. School kaba jop da 3-2 kol ïa ka Rising Hills English School Mootyrchiah.
Ha ka jingïakhun jong ka kyrdan Under-17 Ka Syiem Jingsuk Sec. School kala pynliem da 3-1 kol ïa ka Little Flower H/S School, Ummulong.
Ha ka sngi nyngkong 26 tarik kan don ka jingïakhun haduh 6 tylli ha ka kyrdan U-17 jong ki khynnah shynrang.
