Ka Department of Agriculture & Farmers’ Welfare, jong ka sorkar jylla (Government of Meghalaya) mynta ka sngi (27 June, 2023) kala pynlong ia ka prokram halong ka phang “One day Regional Meeting of North Eastern States on Price Policy for Rabi Crops for the 2024-25 Marketing Season”.
Ia kane ka prokram la pynlong ha State Convention Centre, Shillong. La wan ban iashim bynta ha kane ka prokram da ki nongmihkmat na ka tnat ka rep ka riang na ki jylla bapher bapher ba kynthup ruh ia ka tnat jong ka Food & Civil Supplies jong ka sorkar Assam, Arunachal Pradesh, Manipur, Nagaland, Mizoram, Tripura bad na Sikkim ruh.
Kumjuh ki nongtrei ne ki nongmihkhmat jong ka Commission for Agricultural Costs & Prices (CACP) ruh kila iadon lang ha kane ka jingialang.
