Ka seng Khasi Student Union (KSU) Namdong Unit, haka jingialam u President Samla Kitbok Lang Lamare ryngkat ka jingiadonlang u Finance Secretary Samla Rimiki War, Assistant General Secretary Samla Heibormi Lamare, ki la leit ban ban iakynduh bad pynsngew ia u Manager ka Jio Center Jowai halor ka jingduh bad bymbiang ka network, kaba jia khah khah ha ki thaiñ Namdong, West Jaiñtia Hills District.
Ha kane ka jingiakynduh ka seng ia utei u heh ka Jio ha Jowai, na ka liang jong u la ia thuh ba ka dei na ka daw ka jingduh ka machine kaba la pynlong ban duh network ha katei ka jaka bad u la ong ba kan shim por hapoh shi taiew yn sa lah ban bujli thymmai noh da kawei pat ka Machine.
Na ka liang ka seng ka la dep kren shai ba lada ym lah ban pyndep hapoh ka por ba la buh ka seng kan shim da kiwei pat ki sien jam kiba tyngeh.