Ka lympung ïalehkai phutbol jong ki khynnah skul ka ‘District Level Inter School Subroto Mukherjee Cup Football Tournament- 2023’, kaba la poi sha ka jingïakhun Quarter Final ba khadduh mynta ka sngi thohdieng bala pynïaid da ka ophis u District Sports Officer (DSO) West Jaiñtia Hills District, Jowai ha Kiang Nangbah Stadium, Dongmihsngi Jowai.
Haba phai sha ka jingïakhun Quarter Final mynta ka sngi 30 tarik ha ka kyrdan Under-14 ki khynnah shynrang ka R.C Eve. Sec. School kala lah ban pynliem da 1-0 kol ïa ka Ialong Sec. School.
Katba ha ka jingïakhun jong ka kyrdan Under-17 (boys) ka Govt. Boys H/S School kala pynliem da 2-0 kol ïa ka Mang Hai Ryum Sec. School. Ka Ummulong Presbyterian H/S School kala pynliem da 3-2 kol ïa ka H.K Singh Memorial Sec. School da ka jingïashut Tie breaker. Ka North Liberty H/S School kala pynliem da 4-0 kol ïa ka Nartiang Presbyterian H/S School.
Ha ka jingïakhun jong ki kynthei U-17 ka Kiang Nangbah H/S School kala pynliem da 2-1 kol ïa ka Police Public School, katba ka North Liberty H/S School kala pynliem da 1-0 ïa ka Jowai Govt. U/P RMSA.
Ka jingïakhun Semi Final lashai ka sngi 1 tarik u Naitung, ha ka kyrdan Under-14 (Boys) ka Lympyrtuh Sec. School pyrshah ïa ka Laishnong H/S School, ka H.K Singh Memorail Sec. School pyrshah ïa ka R.C Eve. Sec. School.
Ha ka Under-17 (Boys) ka Sawlyngdoh H/S School pyrshah ïa ka Govt. Boys H/S School. Ka Ummulong Presbyterian H/S School pyrshah ïa ka North Liberty H/S School.