Ka Tympang Club Pdengshakap shen kan sa sdang noh ia ka lympung ialehkai phutbol kaba la tip kum ka “8th Secondary School Football Knock-out Tournament 2021-2022” ha madan Tympang Club, Pdengshakap, West Jaiñtia Hills District.
Na ka liang u Secretary Tournament Committee Pdengshakap ma O. Khyriem ula ong ka jingpynlong ia kane ka Tournament ka long shi bynta ban pynmih fund ia ka Secondary School kaba don ha ka shnong Pdengshakap.
Ka khusnam na ka bynta kane ka lympung kan long haduh T.3,50,000/- (Lai lak san phew hajar) tyngka. Ka kynhun ba ioh rah ia ka nam lahduh kan ioh rong ia ka song pisa kaba Rs.2,20,000/- (Ar Lak Ar phew hajar) tyngka, katba ka kynhun ba wan ba ar kan ioh Rs.1,30,000/- (Shi Lak lai phew hajar) tyngka lem bad ki khusnam. Ka bai rung sha kane ka Tournament kan long 4,000/- (Saw hajar) tyngka kawei ka kynhun.
Ka tarik ba khadduh ban pdiang ia ki kynhun kan long ha ka 13 tarik u Naiwieng, 2021. Ia ki jingtip ba bniah lah ban ioh na ki nongpyniaid kane ka lympung lane phone ha u Secretary (M): 8131801713.
