Ka Society of Urban and Rural Empowerment (SURE), mynta ka sngi, kum ka dak jong ka jinglehkmen lang ia ka jingwan jong ka lehniam shad Behdeiñkhlam mynta ka sng ki dkhot bad nongtrei kane ka kynhun ki la pynlong ka jinglehkmen, ha Hall jong ka H.K. Singh School, Jowai.
Ha kane ka sngi u Rev.Dr. H.H.Mohrmen uba long u Secretary SURE haba ai jingkren u la ong ngi long kum shi hymmen para ne shïing shisem hapoh jong kane ka kynhun jong ka SURE, ne ki nongtrei ha kane ka kynhun ki wan na ki kynhun niam bapher bapher kumta ngi la pynlong ia kane ka jingialehkmen.
U President jong SURE ma K. Pakma u la ong ba kawei na ki kam ba hakhamt eh jong ka Balang Unitarian kaba dei ka nongpeit ia kane ka kynhun (SURE), ka long ba ka burom ia baroh ki jait niam ne ki jingngeit, kumta ngi shait lehkmen lang ia ka sngi kyrpang jong ki niam bapher bapher kum ia ka jinglehkmen, Behdeiñkhlam, Unitarian Anniversary Day bad kiwei man la ka por.
Mynta ka sngi la don lang ruh u ma Kamnipaia Challam, uwei na ki dkhot ka Sein Raij Jowai, uba la batai shai ia ka jingmut jong ka jinglehkmen shad Behdeiñkhlam kala ju rakhe hapoh ki lai miet saw sngi ha man la u snem.
