Mynta ka sngi u Lieutenant General Sanjay Malik, GOC ka 101 Area ula leit ban ia kynduh ia u Lat ka Jylla u Phagu Chauhan ha ka jaka sah jong u ha Raj Bhavan, Shillong.
Ha kane ka jingiakynduh u Malik ula iaroh ia u Lat ka Jylla uba la shimkhia bad don ka jingkitkhlieh na ka bynta ka bha ka miat jong ki shipai jong ka 101 Area, ban pynioh ia ka jingiada kaba biang ia ka Jylla.
Na ka liang jong u Lat ruh ula kitbok kit rwiang ia ka Indian Army bad ka 101 Area ba kin dang lah shuh shuh ban nang ai ka jingshakri kaba bha ha ki kam iada ia ka ri India baroh kawei.
