Ka Khasi Students Union – West Jaiñtia Hills District Unit (KSU-WJHDU), ka shim ïa kane ka kabu ban ai
khublei Behdieñkhlam basuk ba kmen ïa baroh ki khun Niamtre jong ki Seiñraij Bapher bapher
“To ai ba kane ka Behdieñkhlam ka ba long mynta u snem kan long kaba ïaid beit iaid ryntih bad kan beh ïaka jingpang kiba bapher bapher jong kane ka phyrthei khamtam ha kaba ngi lah ban beh ïa ki jingpang khlam ba har rukom.
Ngi ngeit skhem ruh lyngba kane ka Behdieñkhlam kan tehsong ïaka jaidbynriew ban don ka mynsiem ïatylli kum ka Jaidbynriew rit pait hapoh ka Bri u Hynñiewtrep Hynñiewskum”.
Ka seng ka kitbok kitrwiang kyrpang ïa ki khun jong ki Seiñraij bapher bapher hapoh Rilum Jaiñtia ba kin dang lah ban dang ïaid shakhmat ban pynneh pynsah ïa ka leh ñiam ka leh rukom bad ka Riti dustur kan im bad ka jaidbynriew jong ngi kan neh kan sah ha sla phyrthei.
To ai ba U Blei u Trai kynrad Nongbuh Nongthaw un dang theh ia ki jingkyrkhu khyrdoh ba ngin dang ioh ïa ka koit ka khiah krad ba ngin lah ban kamai bha bad ngin kiew irat ha ka pule puthi ka pyrkhat pyrdaiñ ka ban kyntiew ïa ka Ri bad ka Jaitbynriew”, pynkut ka kyrwoh ba la phah da u samla Juhhi Tariang, Publicity Secretary KSU WJHDU.