Ka Hynniewtrep Integrated Territorial Organization (HITO) West Jaintia Hills District, lyngba u Publicity Secretary u Yomiki Passah ka ai khublei Behdieñkhlam basuk bad ba kmen ia baroh ki khun ka Seiñraij Jowai ka ban sdang naduh ka 6 tarik haduh 9 tarik Naitung mynta ka snem.
Naka liang ka Seng ka ai khublei ia baroh ki nongialam ka Seiñraij kiba la prat lynti haka ban pyntyllun iaka niam ka rukom kumba la suit la shor da ki longshwa manshwa ban pynneh pynsah ia ka ñiam tynrai bad kum ki dkhot jong ka jait bynriew Hynniewtrep.
Ka seng ka sngew shngaiñ bad sngewsarong iala ka jong ka tynrai kumba la saiñdur naduh hyndai hynthai, to ai ba ka Behdieñkhlam 2023 kan wan rah ia jingsuk jingkmen ka koit ka khiah ka ioh ka kot ia baroh ki paradoh parasnam hak a Seinraij Jowai bad kumjuh ruh ia ka bri u Hynñiewtrep hi baroh kawei ba ngin “tip briew tip Blei tip kur tip kha bad kamai iaka hok” la pynkut u kyrwoh.