U District Planning Officer, East Jaiñtia Hills District, u la phah kane ka jingpyntip sha baroh ki seng treimon sngewbha ne ki (NGOs) kiba la ithuh da ka sorkar (Registered) kiba don ha East Jaiñtia Hills District, ba ki lah ban apply ia ka Chief Minister’s Youth Development Scheme. Lyngba kane ka scheme lah ban leh ia shibun ki jait awareness programe kiba iadei bad ki samla kiba lah ban ai jingmyntoi ia ki samla ha kiba bun ki liang na ka bynta ka lawei ka jong ki.
Ia ki Application Form lah ban ioh na ka District Planning Office kaba doh ha ka ophis treikam u Deputy Commissioner, Khliehriat, ha ki kynta trei kam. Ia ki Application Form yn sdang ban ai naduh ka 6 tarik haduh ka 18 tarik mynta u bnai July bad ka tarik ba khatduh ban pynpoi ia ki Application Form kiba la dep ban pyndap kan long ha ka 28.07.2023.