Mynta ka sngi ka 08/07/2023 ka Orphan Children Foundation hapoh ka jingialam u Father & Founder Chairman Fr. L. Dkhar ki la iarap ia ki khynnah khunswet bad ki ba don ka jingduna ha ki dkhot met da ki Marbam. Ha kane ka sngi la pyniad ia ka jingialang kaba lyngkot da u Bah W. Kanai Secretary Shnong Saphai, West Jaiñtia Hills District bad la ioh ruh ia ka jingkren lyngkot na i kong M. Bareh, Office Secretary Orphan Children Foundation, West Jaintia Hills District ha ka jingiadon lang ki katto katne ngut ki volunteer jong kane ka Foundation.
Ha kane ka sngi la ioh ruh ka jingkren na i Father and Founder jong ka Orphan Children Foundation Jaintia Hills Fr. L. Dkhar uba la kyntu ia ki nongri nongsumar jong ki khynnah ba sah khunswet ba kim dei ban niew shiliang ne leh beiñ ia ki bad u la kyntu ruh ba la da ki ia kynduh kino kino ki jingeh dei ban pyntip sha ki volunteer jong ka Orphan Children Foundation khnang ba kin lah ban iarap bad u la ong ruh ba ka OCF ka lah ban iarap Marbam, bai skul bad khamtam ha ka por ba ki pang ki shitom ia ki khynnah ba sah khunswet bad kiba don ka jingduna ha ki bor dkhot met bad u la kitbok kitwiang ruh ia kine ki khynnah ba kin ioh ia ka met ka phad ka ba koit ba khiah bad kin nang iai kiew sha khmat ha ka jingpule.
