Mynta ka sngi kaba dei ka sngi iew Muchai ka dei ka sngi ha kaba ki khun ka Seiñ Raij Jowai kin pynkut ia ka shad Behdieñkhlam mynta u snem 2023.
Ha kane ka sngi naduh ka por 4:30 baje mynstep kala don shwa ka jingiabam Tyngkong ha ïing Langdoh, bud sa ka jingsympat ïing sha Khon Raij (Chilliangraij) bad sha kiwei de ki bynta, ka don ruh ka jingkynting Khnong ha Loompyrdi.
Ha ka por 9:30 baje mynstep ka don ka jingkñia ha Tympiah Skoo (Dulong Poh Hali). Ha ka por shiteng sngi pat kan don ka jingpynhiar ia ka Dieñkhlam jong ka Bon sha Ainar, ka Dieñkhlam na iong Langdoh.
Ter ter kin bud ki jinglehniam bam tyngkong, ka jingpynhiar (Tympat) ia ka Symbood Khnong ban ioh pynhiar shapoh Aitnar. Hadien kata yn sa ai bor da u Dolloi ia ki khon ka Kmai Raij ban pynhiar ia ki Rot shapoh Aitnar bad ban bud kiwei hadien kiwei pat.
Ia ki niam ki rukom baroh yn pyndep ha Aitnar ha kaba yn don ruh ka Kñia Poh Langdoh Wah Bhang.
Ha ka por janmiet 5 baje ei ei kan don ka jingiakynjat bol-dieng ne ka ‘Datlawakor’ hapdeng ka kynhun jong u Langdoh bad u Sangot Pawet. Ha ka por miet 7 baje yn don biang ka Bam Tyngkong.
