Ka Khasi Students’ Union (KSU) Laskeiñ Circle mynta ka sngi hapoh ka jingïalam u President ka Circle samla Javelin Shadap Manner, u President ka District Laitphar Syngkrem ha ryngkat ki dkhot kila leit ban ïakynduh ïa ka Director of Health Service (MI) Shillong ban pynsngew ïa ki jingduna ba buh ha hapoh ka Laskeiñ CHC kata naduh ki Doctor bad ka jingbymbiang ki dawai da shin.
Ka seng kala ïoh lad ban pynsngew halor ka jinglehmon palat ki nongtrei jong katei ka jaka sumar, kumta na ka liang ka seng kala ïoh ban ïakren sani bha bad ka Director ha kaba ïadei bad kine ki jingeh bad ka DHS ka la kular ban shimkhia mardor bad ban pynbeit noh ïa kine ki jingeh jong ki paitbah katei ka thaiñ kiba donkam jingïarap shisha na katei ka Hospital sorkar.
Naka liang ka seng ruh kala kyrpad ïa ka Director ba kan leh kham kloi ïa kane ka kam bad lada jia ba kane ka jingdawa kam urlong satia, ka seng kam banse ban shim pat da kawei pat ka lynti na kham tyngeh, pynkut ka kyrwoh na u Publicity Secretary samla Teimiki Suchiang.