U Myntri ba dei peit ia ka tnat pule puthi u Rakkam Sangma haba kren mynta ka sngi ula iathuh ba ka sorkar kala dep ban shim ia ka rai ban thung kam sa kumba 1200 tylli tam ki post ha ka kam nonghikai ha ki Govt. L.P. skul kiba don hapoh ka Jylla.
U Myntri ula pyntip ba ka sorkar kan khot applikeshon noh hapoh kine ki shi sngi ar sngi kata la kumno kumno ha ka 14 tarik mynta u bnai na ka bynta ki samla kiba la pyndep ia ka MTET bad kiba la bit ban aplai ia ka kam nonghikai ha ki skul sorkar.
Ula ong ba ia kane ka jingthung kam yn pyndep kloi katba lah bad ula khmih lynti ba ka sorkar kan lah ban pyndep ia ka hapoh 2 bnai.