Mynta ka sngi ka sorkar Jylla kala iasoi ia shibun ki soskular ne ka Memorandum of Understanding (MOU) bad kawei na ki company ba paw ha ka jingpynmih bor ding kata ka NTPC Limited da ka jingthmu ban kyntiew ia ka jingioh bording hapoh ka Jylla nangne shakhmat.
Ia kane ka jingiasoi ia ki MoU la pynlong ha nongbah New Delhi ha ka jingiadonlang u Myntri Rangbah ka Jylla u Conrad K Sangma, u Myntri ba dei peit ia ka bording hapoh ka Jylla u Abu Taher Mondal, u Gurdeep Singh ba dei u Chairman bad Managing Director ka NTPC Limited bad u Sanjay Goyal, CMD ka MeECL.
Lyngba kane ka jingiateh bad katei ka Company yn sa thaw ruh ia ki lad ki lynti ban shna ia ki kor pynmih bording lyngba ki kjat sngi da kaba pynper ha sla um (floating solar power) jong ka pung Umiam bad sha kiwei de ki wah hapoh ka Jylla. Lyngba kane yn pynlong ia ka Meghalaya ban iaid shakhmat ha ka jingpynmih bor ding lyngba kita ki Green and Clean energy bad ha ka juh ka por ban pynpahuh bor ding ia ka Jylla.
Na ka liang jong u Myntri Rangbah ula pynpaw ba lyngba kane ka jingiasoi ia ka MoU bad ka Company NTPC, u don ka jingkyrmen ba nangne shakhmat yn lah ban pynbiang ia baroh ki jingdonkam ha ka liang ka jingpynioh bor ding ia ka Jylla.
