Ka Seng Jaintia Students’ Movement, Eastern Region EJHD lyngba ka kyrwoh na u President jong ka u Wellson RD Siangshai ka ai khublei Behdieñkhlam 2023 basuk bakmen ia ka baroh ki khun ki hajar jong ka Seiñraij Tuber ki ba shong ba sah ha kylleng ki jaka jong ka bri u hynniew trep hynñiew skum, ai ba kane ka lehniam behdieñkhlam kan long kaba iphuh iphieng bad ka ba jop.
Ka Seng JSM hi baroh kawei ka kitbok kitrwiang ia baroh ki khun ki hajar jongka Seiñ Raij Tuber, lyngba kane ka jinglehkmen leh burom ia ka Behdieñkhlam yn sa ioh ia shibun ki jingkyrkhu kyrdoh na u Trai Kynrad khnang ban ioh ia ka koit ka khiah, ka manbha man miat ha la ka kamai kajih, ka pule puthi kumjuh ka jingshong suk shongsaiñ ha ka imlang sahlang baroh kawei.
Ha kajuh ka por to ai ba kane ka lehkmen Behdieñkhlam kan wanrah khamtam ia ka jingiatylli bad burom markylliang hapdeng ki jaidbynriew jong ngi khnang ba ka ri bad ka jaidbynriew kin nang roi parum pareh ha ki sngi ki por ki ban dang wan ha baroh ki liang.